في شاطي المحبوب ياقلبي رسيـت
والشوق للغالي باعماقي رسى
من يوم ماحبيت والله ماقسيـت
والحزن من داخل بيذبحني اســى
من داخلي اغليه ولامــرة نويت
اقسى عليه حتى ولا قلبه قسى
ياما سهرت الليل فالغربة دعيت
يجمع مابني وبينه فالمســــــاء
وياما على الونات في ليلي سريت
وياما صبرت كثير لعل وعســـى
يعطف علي يرحم حالي لابكيت
لاكن هجرني الزين قالولي نسى
ياضيق حالي ليه ياخلي نسيت
تاك الوعود اللي كما تمر الحساء
خلاص ياقلبي تحطـم مابنيت
ماباقي إلا الهم يغطيني كسى
