يرسم غلاك الشوق في داخل اللروح

يرسم غلاك الشوق في داخل الروح

...............وانته مقفــي ليــــه تلعب بروحــي

إن كان ودك جرح فالقلب مجروح

...............من فرقتك واللـــه تنزف جروحـــي

ماليلة إلا نوح والطــير بينـــــوح

...............فوق الخضيرة لاسمع صوت نوحي

من فرقتك يازين في صدري تفوح

...............دلة من الأشواق والهـــم يوحــــي

ساهر مع الأشواق والحبر واللوح

...............والعين تدمــع دم وتبـل لوحـــــي

تعبت من صدك ولاعندك وضوح

...............في عشقتك غامض ولانته وضوحي

حرام تعذب شخص عالفرش مطروح

...............قد لك ثمان سنين وانته شحوحـــي

في وصلك اللي من على بعدك يلوح

...............حتى نحرت القلب ذي بك طموحي

ناديت باعلى الصوت واليوم مبحوح

...............صوتي رحل يمك ودمي يفوحــــي

وانته مغيب والهوى يهدم صروح

...............ولا علي رديت تهدم صروحــــي

قل ماتباني وانت في خير مسمـوح

...............والله يعوضني ويشفي جروحــي

تحية من الأعماق

تحية من الاعماق للشعب البطـل ** ياشعب تونس لك تحية وحتـرام

فجرتها والظلـم ولّـى وارتحـل ** وعلنتهـا للكـل يانسـل الكــــــرام

الحرية ماتباع في سوق البصـل ** الحرية تضحية ماتجـي بالكـلام

اشعلتها عالظلـم نـارك تشتعـل ** نلت الشرف والعزتفخربه وسـام

والجنة الخضراء مأوى من قتـل ** والظالم المجـرم قفـى بانهـزام

صحيتنا ياشعب مرسالك وصـل ** قد جابه الطيار من فوق الجهـام

مرسال فيه الطب من كل العلـل ** وحنا فهمنا ماشرحتـه والســلام

هزت شمال الطرف تعوي فالجبل ** تعوي عوي الذيب تنقـل بالخيـام

هزت على الظالم في شهرالعسـل ** هزت على البهرة في سوق الطعام

ثورة على الشيطان والقوم الجهل ** ثورة ولانرجع لو تصبـح ركـام

هذا رجل عالفرش قد صابه شلل ** قدبه مرض معدي ماهوشي زكام

هذه حقيقة واضحة ماهـو جـدل ** ياللي تبى مني خبر خذها عـلام

باقولها ياهـل المهـوك والزمـل ** باقولهـا واجـي تغييـر النظـام

بتجي سيول اللي تشل الارض شل ** انا حلمتـه حلـم شفتـه فالمنـام

والهاجس الملهم جابه من زعـل ** ماباقي الإ تحوم يالصقر القطـام

ولى زمان الذل والأهبـل عقـل ** من حوف لاالضالع لاوداي شبـام

كلين شرب قهوة عدينيـة جفـل ** لانتـوا تعودتـوا يافنـدم تمـام

احنا نهضنا وانت خبط في ربـل ** لاحريـة إلا بتكسيـر العـظـام

من هو معي يشجب ثيران العمـل ** كبر معي تعمل على ستـه تـلام

بسرح على طينـي ولاوالله قبـل ** في طيني المشهور اقبل بالحطـام

ذا مال ماخليه ماهو شـي همـل ** مالي ذهب معروف وزنه بالجرام

هذا كلام الجـد وشهـد يازحـل ** والمشتري يشهد والسيف الحسـام

مابـدل الأصلـي بتقليـد الـدول ** إن جبتها من عقل ولا من غـرام

باسكنـه فاقـلـب ولّا فالمـغـل ** ذا صوت شلوبه وغنت به ريـام

بعض المهاري تجيب فالقلب الملل ** لاشفت بعض الناس راسه كالنعام

لاهو معي صاحي ولاعقله ختـل ** قالوا حرام الطعن فالميت حـرام

لليوم ماصـدق ولاشـاف الخلـل ** لاقلت خاف الله كثـر بالخصـام

ونا قنع قلبي مـن قـات القطـل ** قات القطل ياناس متسمـم وسـام

تحية من الاعماق والبدر اكتمـل ** ياشعب ثاير لك تحيـة واحتـرام

ياشعب شاجع قام بالنصر احتفـل ** الله يديم العز عامـاً بعـد عـام

والختم صلي عد مالقمري زجـل ** وعداد ماتغـرد يافـرخ الحمـام

وعداد مايبرق ومالجهمي رسـل ** وعداد ماعبده له صلـى وصـام

تبلغ صلاتي وافيه سيـد الرسـل ** على نبي مختار صلـي فالختـام

خبر جاني

هذه القصيدة كتبت قبل ثورات الربيع العربي

يقول المهتجس شاعرسمعت البارحة اخبـار
سمعت اخبار ماترضي وصار الجو متعكر
وصد اللنوم من عيني ورب الكون إنه طار
سهرت الليل فالغربة ودمـع العين يتحدّر
سهرت الليل والهاجس على وقته معيّا ثار
من الغبة يجيب ابيات بريح المسك والعنبر
ونا رحبت بالهاجس وقهواني من الأشعار
وقهويته من افكاري وبتنا الليل في مسمر
خبر جاني وألمني وفيـــه السروالاسرار
خبر والعالم الله وش بقي عاده في الدفتـر
خزي لوصح ماقالوا ونكبة يابلد لحــرار

ولاكــني قفـى هذا الخبر بسأل وباتخبر
عسى صابر يجاوبني يريّح فكري المحتــار

عساك تقوم من نومك على الشاشة علي تظهر
تجاوبني تصارحني وتوخــذ منهـم بالثار

إذا حبيت من قلبك وتعشق صدق ياعنتر
ترى من خان في حبه بايلحقه الخزي والعار

ولانرضـى بماقالوا نشوف البيت يتكسر
علينا عار مانسكت ولو سلّمـت للكفار

ونا ياعم بانصحكم وعاد الوضع ماتفجر
تصحح خطوتك لوعاد به عندك لها مقدار

ولاتهرب ولاتسكت ترى سكوتك بيتفسر
على إنك بها راضــي وهذه كلها اضرار

تظرك انته لحالك وربي يسمـع ويبصـر

شاعر الشعب خاطبكم وكله شجب وستناكر

برية ذمتي منهــا وبالكثــــــــرة فــــلا تغتـر
عليك تجاوب امريكا تريحني مـن الأفكار

تجاوبها بما قالت وماقد صار في لــودر

تجاوبها وباكتبلك يعيش القايد المغــوار

ولامن قلت لي حلّه معك باكتب بدم احمر

وشوف السد في مارب تخرب من عمال الفار

عمل وحده وماشافه احد فالليــــــــل يتسمسر

ومن صمتي انا كفاية ويكفي لاهنا مشــــوار

ولو طال الأمد شفته علــــــي لازم بيتحـرر

وابن الحر مايسكت ولو يصلى لهيب النار

يقول الحق مايخشى بشر لاقال ذا منكـر

عسى يرضى علي ربي بساعه انطوي فالكار

انا باطلب بها عفوه ولازايد ولا اكثــر

وختمنا بذكر الله على طه نبي مختـار

صلاة الله على من بالهدى والدين قد بشر

نزف قلبي من جراحه

الا ويقــــول بوسالم نبر نوبي ترك جبحــــه

ونا هاوي عسل حالي عسل صافي من الأجباح

سهرت الليل من بعده وطار اللنوم والفرحــة

وشفت النـاس عالدكـة وصار اللـوم عالمــرواح

تعبـت الناس من بعدك عسى ياثور لك نطحــــة

كشفت الحــال واسراره وبان الجــرح للجــراح

وبنت الناس تشكي لي ومولــــى المدح في مدحه

ومولى العشــق في بحـره مع الــربان والسبـــاح

ومولـــى الجيب ماقصر دخل لا السوق في رزحة

وحط الرجل فـــــوق اخــرى وشــل الليــم والتفاح

وكل النــــــاس هنولـه ومولــــى الطين فــي ذلحـه

كمن الطين به رايــــة ويمــكن باعــوا الشـــــــراح

وهذا الصوت غنوبـــه وكــلاً قـام فـــي شــرحــه

وبان الصبــــح لي واضح مثيل البرق ذي قــدلاح

حسن ذي جاء مع الطباخ وغش الناس في ملحـــه

وكل إنسان بايعرف حســــن ذي بايع السفـــــــاح

الا ياناس كم باصبـــر فقدنا الخيل فالبرحـــــــــــة

فقدنا السيــــف وجرابــــه فقدنا البسط والمســراح

الا يالخيب لاتبكــي مع البـدوان معــــــــد منحــــة

جميع البدو قد باعـــــوا ولا توجـــد ثمان منـــــاح

مع النيدو تكيـــف لك ولاتشكــــي من الصبحــــــة

لان الوقت متغيــــر يكفي الدمــــع ذي قد طــــــاح

ولاتزعل علـى جــــــدك كمـــن الجد لـــه مزحـــــه

تعبت اليوم من بعـــده وطال الحبــــل عالمتــــــاح

يبا يمزح مع الحرمـــــة وجاب اللثــــوب والشلحـة

عشقها عشق من قلبه وشـــــل الســـــم فــــي لقداح

عسى لاوفقـه ربي عســــــــى فالقلب لــــــــه ذبحة

نسي الطفــل ذي يبكي وطول الليـــــــل في صيـاح

نزف قلبــــي من جراحــه وزاد الوقت من جرحـــه

وكم جاسوس في صفـــــي وكم كاذب وكم مــزاح

رحلت يامحمد

نتحمــــــد المعبــــود في مكتـوب تـــــــم = نتحمده وحــــده وحنا لــــــــه عبــــــيـــد

انا حمــــــده من قلب آمــــن ولتــــــــزم = اناحمده مليـــون والزايـــــــد يزيـــــــــد

هو دي خلق عبـــده وكوّن مــن عــــــدم = والكــــل بايرحــل يريـــد او مايريـــــــد

غادرت يامحمد ولابــــك شـــــي نـــــدم = على عمـــل فالآخــــرة مالـه رصيـــــــد

ياسعد من يخـــــرج من الدنيــــا سلــــم = ويبــدى حياتــــه عند ربــــــه من جديــد

رحلت يامحمــد من دنيـــــا الظلــــــــــم = رحلت يالغالـــــي فالوقـــــــت العنيــــــــد

والهـــم واحزانــــي بالقلـــــب ارتكـــــم = جاني الخبــــر والدم تجلـــــط فالوريـــد

والدمــــع شــــن عالخــــد متشكـل بــــدم = بكيــــت من قلبـــــي وليتـــه بايفيــــــــد

هذا البكــــاء بابكــــي بهذا الليــــــل جـــم = ولاكنـــــها الأقــــدار مفروضـــة اكيـــد

باحزن عليــــه والواد باينــــكس علـــــم = حزني وحــــزن شعاب حقلـــة والمديــد

وحزن الذي حبــــه من دمعــــــه بصــم = وحــزن اللغييلـــــة والقليتـــــه والصعيــد

ياللــــه رحم عبدك يامولــــــى الكــــرم = يالله عســــاه الســــاع فالعيش الرغيــــد

في جنـــــة الفردوس من حيث النعــــــم = ينعــــــم بها ياللـــه عســـى حظـــه سعيــد

ذا فصل والثاني معـــــي هاجس نهـــــم = من راس شامــــــخ بايكســــر فالحديـــــد

هاجس قـوي الباس يعجــــب لانظـــــــم = قوله يهز الأرض فــي نظمـــه فريـــــــد

هذا مواطـــن مات من كثــــر الألـــــــم = حتـــى برة التخديــر باتجـــي من بعيــد

ياضيق حالـــي ضيق ياضيــق اللنســـم = لما متـــى ذا الحال والوضـــع الشديـــد

ماشـــي امل عندي في كـــم من صنــــــم = ماتـــوا ومات السيــــف خالد بن وليـــد

كــم ثروة لشبـــــوة وكم ياناس كـــــــم = والمواطـــــن المسكيــــن من بيتـــه طريد

قصـــــة تألمنـــــي ودون ياقلـــــــــــم = ورســـــــل بها لــــلأب هارون الرشيــــد

ختمتهــــا والحــــــق من يبدع ختــــم = بازكى صلاتـــي عالنبــي طـــــه المجيـد

هذه القصيدة لروح العقيد صالح علي الوبح باراس

يالله ياللـــــي من ترجاك ماخاب
ياعالم اسرار النفوس الحزينة
سهل على المكروب يارب لرباب
لاهل دمع العين من موق عينه
ومساء مع لحزان والكير شباب
والقلب يرجف مثل رجف المكينة
ياوجد حالي وجد والدمع سكاب
وجــد الذي حزنه يزلزل مدينــة
سألت راعي الباص والناس ركاب
صالح علي طول وطالت سنينه
غيب علي كالبدرمن تحته سحاب
لارد جوالـه ولا سمــــع رنينه
وين البطل ياناس والبدر دي غاب
ورد لـي راكب عسى اللـه يعينـه
قالي رحل صالح وياكبره مصاب
وهتز قلبي هز ورد ف ونينــــه
ترحل رجال العز والشـوق غلاب
ترحل ويرحل خيرباسط يمينه
تبكي عليه شجار وسهول وهضاب
وتبكي الجبال السود لاقلـــت وينه
صالح علي ياناس له صفحة كتاب
وبين الضلوع العوج ترسي سفينة
فيها الغلى لنسان بالقلب ينساب
فيها مخوة صدق بينـــي وبينـــــه
بكيت من قلبي على شخص جذاب
جذاب باخلاقـــه وروحـــه ودينـه
من يعرفه يبكي ولا صابه عتــاب
هذا الرجل وافي ويـــده امينــه
والحبرهووالشعر والحرف كــذاب
مهما وصف صالح فمادّى ثمينه
ياالله ياللي جامع الناس لحساب
ياللــه بهالساعة تحل السكينة
تنزل على صالح وتفتح له بواب
للجنة الخضراء وتقطف يدينــه
من التين والرمان ونواع لعناب
والحور فيهـــا واللآلــي ثمــينه
ختمتها والقلـب يهتز كالبـــــاب
لاهزته ريحاً بتسمـــع حنينـــــه
وزكى صلاتي عالنبي كل ماتاب
العاصي المذنب ومرّغ جبينــــه
لله ربه خوف في كل محراب
وهل دمعه خوف من موق عينه

يارب مالي غير دمعة حايــرة =
وحبي لذاتك ياعظيم المغفرة
البارحة امست عيوني ساهره
والرعد يقصف عالشعاب المغمرة
والصبر طول والحمولة جايرة =
ونا ضعيف الحال مالي مقدرة
والبحرهايج هاج تحت الباخرة =
ياكم سفينة فالعواصف مبحرة
مودع بمان الله يابن الحاشرة =
الله يصونك فالليال الممطرة
والله يحدك من عيون الساحرة =
فالبحر هذا كم واحد تسحره
هذا حكـــم هندي بايده صافرة =
واللاعب المكار يلعب بالكرة
وين المدافع يالعقول الشاطره =
والبازل اللحجي نيابه موشرة
شفت الربيزي عالخيول العابرة =
والمدحجي شد الحبال مزرزرة
لاوين لا مرداس ولا القاهرة =
ولابلاد الهند ولا اسمــــــره
ياقلب سافر والحياة مسافره =
ودع هزال الروح والهم قبره
اربع هدايا باتجي فالطيـــــارة =
من ميفعة باتجي ولا من ثرة
والا من الكور العكب ذي خابره =
يطرح مكاوي عالضلوع محمرة
والله يجنبنا الذيـــاب الماكـــــره =
تمسي تعوي والليالـــي مغدره
والله يعينش يالعيون الساهــــرة =
والليل هذا كم ساهر يسهــــره
واجب من الجمهوريسمع شاعره =
يفهم كلامه زين تالي ينشـــــره
دنيا اللندم شوفوا ماهي سابـــــره =
فالواد هذا سيل لاحـــــد يعبـــره
لاحد يقول إن المكاوي فاتـــــره =
هذا كلام العقل تحت المسطـــرة
وآخر كلامي والرجال مغادر ه =
هاجس معي للخير واجب حضره
لاهو كذا كل الناس مغامـره =
باطرح كلامي عود فوق المجمرة
باقول نصيحة والنصيحة حاضره =
حد يمسك اليمنى وحد عالميسره
والعقل له دوره ياهل الدايــــره =
وتبصروا للكاس لاحد يكسره
والكذب والتضليل عملة بايره =
عداد مابيعــد لازم صفـــــره
واللي تكدّر بانصفي خاطره =
والعيب عالرجال ضيفه ينكره
ولا حوّل الله عادني باسامره =
والعفو باهدي له عند المقدره
هذه صفاتي من ربي شاكره =
الله وهبني عقل ونا باشكره
يالصل يالثعبان عقلك شاوره =
شفها ثعابين كامنه عالموبرة
والله يصونك من عيال الفاجره =
تم الكلام وانته واجب فسره
وزكى صلاتي عالنبي فالآخرة =
والآل وصحابه وتبلغ لعشره
من بُشروا بالفوز بجنة عامره =
بالحور والانهار جنة مثمرة

باصبر على جرحي

ساهر مــع لحزان والحبـــــر واللـوح



وارسم خرايط شوق للقلب يجتـــــاح



والدمع كنـه سيل في خــد مجـــــروح



يسامر نجوم الليــــل والخـل مرتــاح



مرت سنين العمر والقلب مفتــــــــوح



واليوم قلبي ضاع من دون مفتـــــــاح



واضحى الأمل مهزوم من داخل الروح



دام المحبــة كذب ونفــــاق ومــــــزاح



ودام الهوى ممنوع لارحت لك روح



ودامه زمن قاسي وبالسر قــــــد باح



مودع بامان الله ياخل مسمـــــــوح



مودع بامان الله والبال مرتـــــاح



حتى ولاطيري على غصنه ينوح



باصبر على جرحي وباضمد جراح




ثنعشرسنة ونا على الفرش مطروح



واربع قفاها هــــــدت القلب برماح



والنار تشعل في ولاعــــاد بابوح



باسرار في صدري وماراح قد راح



خل الصدر يغلي وبه دلة تفوح



الله يعز الراس فـــي يوم لفراح

عذبتنـــي يازمانـــي ،، وحرمتني شوف خلي ،،

حبه بقلبي كوانــي ،، والدمع عيني تهلـــــــه ،،

الله بحبــه بلانــي ،، ياعين عالزين هلـــي ،،

والقلب ماحب ثانـي ،، وهديته العمر كلــه ،،

قفى بروحه جفانـي ،، بعد الفرح والتسلـي ،،

في بحر مظلم رماني ،، مابعد ولاحد وصله ،،

يوعد ولاعاد جانـي ،، والشوق فيني يقلـي ،،

علي تصبر ثوانـــي ،، فوق الرجوم المطلـة ،،

واليوم خلي نسانــي ،، قد له سنة ماتصلــي ،،

قد له سنه لاتهانـــي ،، ولاخبــر فالمجلـــــة ،،

ولا عناوينه عطانـــي ،، ولا رسالــة رسلـــي ،،

والعمر ياناس فانـي ،، مسكين من راح خله ،،

من راح خله يعاني ،، كالطيــر ذي بايعلي ،،

لاهب نسيم اليماني ،، وده لخلـــه يشلـــــــه ،،

حبه معي بالمحاني ،، وتخيله مثل ظلــــي ،،

وسعت له فالمبانـي ،، والحب فالعمر زلـــة ،،

ياليت قال مايبانـي ،، ولا الهجر والتغلـــــي ،،

محتار وحبه سباني ،، ذا اللغز من بايحلـــــه ،،

الهوى لعبة كبار

توي دريت إن الهوى لعبة كبار .....

وتوي فهمت العشق لعبة كبيرة

بحر الهوى مايسبحه غير بحار .....

بعيده اعماقه وياهي خطيـــرة

فوقه بنيت الحب واليوم منهـار .....

وتحطمت الآمال يابحــر صيـــرة

دخيل أللـه ليه يابحر غـدار.....

تغدر بخـلٍ دوب عينـــه سهيــــره

لاجلك يمر الليل بالقلب منشار.....

ويقص فيني كل شجرة خضيـــرة

ونا قليل الحيل عالصد صبّار.....

واقول يالله جيب مافيــــــه خيرة

ياليت دار الخل تقرب من الدار .....

باكتب على الجدارن جملة قصيرة

حبك ولك في خافقي ظل وانهار.....

وتحت الضلوع العوج مبنى وديرة