هذه القصيدة لروح العقيد صالح علي الوبح باراس

يالله ياللـــــي من ترجاك ماخاب
ياعالم اسرار النفوس الحزينة
سهل على المكروب يارب لرباب
لاهل دمع العين من موق عينه
ومساء مع لحزان والكير شباب
والقلب يرجف مثل رجف المكينة
ياوجد حالي وجد والدمع سكاب
وجــد الذي حزنه يزلزل مدينــة
سألت راعي الباص والناس ركاب
صالح علي طول وطالت سنينه
غيب علي كالبدرمن تحته سحاب
لارد جوالـه ولا سمــــع رنينه
وين البطل ياناس والبدر دي غاب
ورد لـي راكب عسى اللـه يعينـه
قالي رحل صالح وياكبره مصاب
وهتز قلبي هز ورد ف ونينــــه
ترحل رجال العز والشـوق غلاب
ترحل ويرحل خيرباسط يمينه
تبكي عليه شجار وسهول وهضاب
وتبكي الجبال السود لاقلـــت وينه
صالح علي ياناس له صفحة كتاب
وبين الضلوع العوج ترسي سفينة
فيها الغلى لنسان بالقلب ينساب
فيها مخوة صدق بينـــي وبينـــــه
بكيت من قلبي على شخص جذاب
جذاب باخلاقـــه وروحـــه ودينـه
من يعرفه يبكي ولا صابه عتــاب
هذا الرجل وافي ويـــده امينــه
والحبرهووالشعر والحرف كــذاب
مهما وصف صالح فمادّى ثمينه
ياالله ياللي جامع الناس لحساب
ياللــه بهالساعة تحل السكينة
تنزل على صالح وتفتح له بواب
للجنة الخضراء وتقطف يدينــه
من التين والرمان ونواع لعناب
والحور فيهـــا واللآلــي ثمــينه
ختمتها والقلـب يهتز كالبـــــاب
لاهزته ريحاً بتسمـــع حنينـــــه
وزكى صلاتي عالنبي كل ماتاب
العاصي المذنب ومرّغ جبينــــه
لله ربه خوف في كل محراب
وهل دمعه خوف من موق عينه